Gradonačelnik Prijestonice Cetinje Nikola Đurašković čestitao je atletičarki Mariji Vuković osvojenu zlatnu medalju u skoku u vis na Mediteranskim igrama u Alžiru.

Tom prilikom gradonačelnik Đurašković je istakao:

„Draga Marija,

Tvoj veliki uspjeh i zlatna medalja na Mediteranskim igrama samo su potvrda tvojeg rada i kvaliteta, a nadam se i najava novih velikih rezultata u nastavku ovog sjajnog niza, koji traje još od Olimpijskih igara. Kao i uvijek do sada, tvoji rezultati služe na ponos Cetinju i Crnoj Gori, a Ti si primjer mladim ljudima i drugim sportistima.

U gradskoj upravi Prijestonice Cetinje imaćeš uvijek iskrenu podršku i oslonac!“ navodi se u čestitci.

Naša atletičarka osvojila je zlatnu medalju u skoku uvis na Mediteranskim igrama u Oranu, u Alžiru, preskočivši 192 cm u finalnoj seriji.